საგზაო უსაფრთხოების კვირეული და მსვლელობა ლაგოდეხში
არასამთავრობო ორგანიზაცია ფონდის "პარტნიორობა საგზაო უსაფრთხოებისთვის" ინიციატივით, გაეროს მეორე საგზაო უსაფრთხოების კვირეულის კამპანიის ფარგლებში 12 მაისს ლაგოდეხში მსვლელობა
მოეწყო, რომელიც საგზაო უსაფრთხოებას მიეძღვნა. მსვლელობა გაიმართა ლაგოდეხის
ცენტრისკენ.
წელს კვირეული ფეხითმოსიარულეთა
უფლებების დასაცავად იმართება. კამპანიის მიზანია "უსაფრთხო გზები
ყველასთვის". ლაგოდეხში მსვლელობა "საქართველოს
სამოქალაქო განვითარების ასოციაციის" (საგა) მხარდაჭერით განხორციელდა.
მსვლელობაში მონაწილეობა მიიღო სკოლის მოსწავლეებმა, მასწავლებლებმა,
სტუდენტებმა, საპატრულო
პოლიციის თანამშრომლებმა და დაინტერესებულმა მოქალაქეებმა. მონაწილეებს ეცვათ სპეციალური
მაისურები, მათ ასევე დაურიგდათ სამახსოვრო საჩუქრები - საგზაო უსაფრთხოების
აქსესუარები.
გაეროს მეორე მსოფლიო კვირეულის ფარგლებში, მსვლელობები
მსოფლიოს სხვადასხვა ქალაქში იმართება. გლობალურ
კამპანიას საქართველოც შეუერთდა. შეგახსენებთ, მსვლელობები გაიმართა თელავში, ბათუმში,ნინოწმინდასა
და თბილისში.
