საგზაო უსაფრთხოება რადიო "კომერსანტის" პირდაპირ ეთერში
23 თებერვალს, პროექტის ფონდის "პარტნიორობა საგზაო უსაფრთხოებისთვის" დირექტორი ირაკლი იზორია რადიო კომერსანტი პირდაპირ ეთერში მიიწვიეს. გადაცემაში მან
მიმოიხილა საგზაო უსაფრთხოების კუთხით არსებული პრობლემები და საკანონმდებლო ცვლილებები,
ასევე ისაუბრა ინოვაციური პროექტის "მეგობრული გზების" მნიშვნელობასა და მის შინაარსზე.
პროექტი "მეგობრული გზები" ხორციელდება საქართველოში და მისი მიზანია აღმოიფხვრას
ეგრედ წოდებული შავი წერტილები საქართველოს გზებზე, რათა შემცირდეს ავტო საგზაო შემთხვევების
შედეგად დაშავებული და გარდაცვლილი ადამიანების რაოდენობა. პროექტი ითვალისწინებს ვებ-პორტალის
შექმნას, რომლის მეშვეობითაც საქართველოში მცხოვრები ადამიანები მოკლე ტექსტური შეტყობინების
სახით აგზავნიან ინფორმაციას (ფოტო, ვიდეო) მათთვის საშიში ადგილის შესახებ (მაგალითად,
ადგილის შესახებ, სადაც ხშირად ხდება ავტო საგზაო შემთხვევა, გზა და ინფრასტრუქტურაა
გამოსასწორებელი, სხვ.). აღნიშნული ინფორმაცია ავტომატიზირებულ რეჟიმში სპეციალურად შექმნილ ონლაინ რუქაზე აისახება, რომელიც
ხელმისაწვდომია დაინტერესებული პირისთვის.
პროექტი "მეგობრული გზები" ფონდისა "პარტნიორობა საგზაო უსაფრთხოებისთვის" და პარტნიორი ორგანიზაციის "ელვა" ერთობილივი თანამშრომლობით ხორციელდება.
