"მეგობრული გზების" პრეზენტაცია რუსთავი 2-ზე
6
სექტემბერს, პროექტ "მეგობრული გზების" პრეზენტაცია რუსთავი 2-ის შუადღის გადაცემაში "სხვა შუადღე" გაიმართა. ფონდის "პარტნიორობა საგზაო უსაფრთხოებისთვის" გამგეობის თავმჯდომარე
გელა კვაშილავამ და კომპანია "ელვას" წარმომადგენელი მარკ ვან ემდენ ანდერსონმა ინოვაციური
პროექტის მნიშვნელობასა და მის შინაარსზე ისაუბრეს. პროექტი ხორციელდება საქართველოში
და მისი მიზანია პროექტის მიზანია აღმოიფხვრას ეგრედ წოდებული შავი წერტილები საქართველოს
გზებზე, რათა შემცირდეს ავტო საგზაო შემთხვევების შედეგად დაშავებული და გარდაცვლილი
ადამიანების რაოდენობა.
პროექტი
ითვალისწინებს ვებ-პორტალის შექმნას, რომლის მეშვეობითაც საქართველოში მცხოვრები ადამიანები
მოკლე ტექსტური შეტყობინების სახით გააგზავნიან ინფორმაციას (ფოტო, ვიდეო) მათთვის
საშიში ადგილის შესახებ (მაგალითად, ადგილის შესახებ, სადაც ხშირად ხდება ავტო საგზაო
შემთხვევა, გზა და ინფრასტრუქტურაა გამოსასწორებელი, სხვ.). აღნიშნული ინფორმაცია ავტომატიზირებულ
რეჟიმში სპეციალურად შექმნილ ონლაინ რუქაზე
აისახება, რომელიც ხელმისაწვდომი იქნება ყველა დაინტერესებული პირისთვის.
პროექტი "მეგობრული გზები" ხორციელდება ფონდისა "პარტნიორობა საგზაო უსაფრთხოებისთვის" და კომპანია "ელვას" ერთობილივი თანამშრომლობით.
